الحصة السادسة

من الذاكرة

الحصة السادسة

الحصه هذى عاد شي مختلف تماما وشكل تاني على قوله المصريين
قال لي المدير توجه الى فصل ثاني .. بققت عيوني ثااااااااااني
ينهار مش فايت .. لا انهم صراحه يبغى لهم غثى وتنتبه لكل طالب
المهم توجهت واول مادخلت الفصل الا مدرسهم يرحب فيني ويطلب مني الدخول
ووجه لهم بعض الكلمات باني استاذهم الجديد وعليهم الالتزام والاحترام
والكلام الفاضي ذا كله .. وطبعا هج المدرس جته من الله واحد بياخذ حصته

بدات تعرفت عليهم .. وانبسطت بقله عددهم كانو في حدود 12 طالب
واعتقد هذا العدد مناسب جدا لمثل هذى المرحله حيث يستطيع المعلم
مراقبه الطلاب والانتباه لهم وتعليمهم بشكل جيد ..

كانت الحصه عليهم قراءة بدانا نقراء الدرس ويقرون معي
ثم بدا الطلاب يقراون لحالهم .. ثم بديت اشرح لهم بعض
الامور في الدرس مثل الكلمات ومعانيها .. وبعض الصور
وبعض الفوائد الى نستفيدها من الدرس وكانو جداً رائعين
ومتفاعلين معي .. فارتاحو والله العالم لي .. وطلبو مني
اسمع لهم المحفوظات .. وقلت لهم يله من يبدا ؟
قالو لي لا يا استاذ نبي مع بعض مثل مايسوي الاستاذ فلان
وانا متردد اخاف اطلعهم يسون ازعاج .. والحصه الاولى لي معاهم صعبه
ثم توكلت على الله وقلت لهم يله .. صفو قدام السبوره وانشدو

طبعا ماهي الا دقايق وكلهم صافين .. قلت لهم ابدو نشيد يله
قالو لا يا استاذ عد من واحد الى ثلاثه علشان نبدا
قلت في نفسي لا حول وش ذا القلق .. وتذكرت انهم اطفال
فرجعت اعد لهم باسلوب طفولي وااااااااااااحد
اثنييييييييييييين
ثاااااااااا
لاااااااااااااااا
ثه

يله
وبدا ينشدون اسرتي اسرتي احبها احبها
مدري وش ا لباقي عموما .. فضحوني الصوت
اخر الى في الحارة سمعهم اظن وانا قايلهم بصوت واطي
وسبحان الله انبسطو بشكل رهيب .. وبعدها سمعت لهم
واحد واحد .. الا طالب كان ماحفظ من جنسيه عربيه فسالته ليش
ما حفظت يا محمد ؟؟
فقالي ما عرف احفظ .. فقامو الطلاب يقولون انه مايحب الدراسه يا استاذ
فسكتهم وقلت لا هو يحب الدراسه وبيصير يحفظ من الاسبوع الجايه
صح يا محمد ؟
فقال ايه يا استاذ ..
وبتشوفون بياخذ الاول على الفصل ..
قالو الطلاب لا لا يا استاذ ماجد هو الاول
قلت لهم لالا انا اشوف في وجه محمد
هو بيطلع الاول اكيد .. بس يبغاله يحفظ شوي ويشد حيله معي
تغير حال محمد 180 درجه وصار يتكلم في لحظات ويشارك
واظني ان الى فيه من المعلم السابق اما انه حاقره او فاقد الامل منه
وفي نيتي باذن الله اكلم معلمهم الثاني بخصوص الطالب انه يشجعه
وينتبه له .. واتمنى ان يتحسن مستواه

وسلااااامتكم

شخصي

رابط الصفحة : www.From-Memory.com/articles.php?id=64