مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

قطّاع الطرق يطلبون منك إما النقود وإما الحياة ، أما المرأة فتطلب الأمرين


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 375664
   عدد المقالات المنشورة : 229
   عدد الأقسام المفتوحة :8


 
 

من الذاكرة

24/2/1427

دعوة لقراءة المقال

نسخة لطباعة المقال


سلمان و نورة


سلمان و نورة

اليوم مدري وش اكتب رغم ان عندي شي كثير اكتبه
كل ماجيت اكتب احس بشي غريب يشتت ذهني يعطلني عن الكتابه
ويحاول يوجهني لكتابه من نوع ثاني انا عاهدت نفسي ابتعد عنها
الى هذى اللحظه وانا اصارع هلشعور وابي اكتب ..

خلوني اتكلم عن شخصيه خياليه اسمها (سلمان) و ( نورة)

سلمان هذا كان شخص عادى لكن عيبه انه طموح فوق العادة
له في الحياة مبادئ متعبه. وكان كل من حوله يحبه ويحترمه ومع هذا
ما عمره شعر باحساس السعادة .. وفي اللحظه الى يبتسم فيها تشوف الحزن
من فوقه ومن تحته تحس بجبال من الهموم اجتمعت على رأسه مسكين في وقت
ظن انه هو الصاحي والباقي مجانيين فعلا كان مسكين ..
كان سلمان من صغره يخطط لحياته لكن للاسف مافيه شي تحقق ولا شي يبين ..
كان دايم يدورعن شخص مفقود عايش يذاته .. مثل الخيال
حلم هو او مثل المستحيل .. كان مثل الى يتبع السراب .. كل ما قترب مالقى شي
لين في يوم من الايام طلعت له (نورة) بنت مثل القمر أمورة اخلاقها ما مثلها
كلامها موزون ويمكن حكم .. تستمد من افكارها قوة .. لكن كان عيبها انها محبطه
يا الله مثل سلمان هي كربون .. افكارهم متشابهه اهمومهم متقاربه احاسيسهم متشابكه
سلمان ونورة .. التقو من غير موعد .. جمعتهم الصدفه وفرقتهم الظروف ..
مسكين سلمان مسكينه نورة كل ما حبو شي صار صعب الوصول وكله من هلظروف..
ان حكو سرقهم الصمت وان طالعو في الساعه قالوا تاخر الوقت .. واتفقو
يلتقون في يوم ثاني في نفس المكان حسب الظروف والزمان ما حددو الساعه
يمكن خمس ويمكن ثمان .. حرمهم الوقت بعض الحكي .. واذا لقو وقت سرقهم
الصمت بعض الحكي .. مسكين سلمان مسكينه نورة ..
شخصين عايشين بذات انسان .. افكارهم متطابقه احلامهم متشابهه احاسيسهم
متشابكه .. اهمومهم نفس الهموم ..

وفي يوم شاف فيه سلمان نورة وخذاهم الكلام .. تسامرو ساعات محد فيهم فكر ينام
الوقت متأخر لكن الحديث بينهم ماينقطع .. حتى في صمتهم متفاهمين .. يوم قالت نورة
سلمان لو تأخرت عليك في يوم لا تنتظر .. بس ارجوك سلمان لا تنسى ترا انا نورة
سلمان مذهول وقلبه يرتجف يخاف من اي لحظه تختفي فيها نورة ..
وافكاره تاخذه كيف وليه ووينك يانورة من زمان ؟!!
يحس انه لقى كنزة المفقود .. نفس الشعور تبادله نورة .. لكن ما حكو ..
تمنعهم هلظروف .. مجتمعهم قاسي وكلهم عايشين بخوف .. وفي لحظه
اختفت نورة .. وكل الهم فيها شايله هم سلمان .. وسلمان شيلن هم نورة
كل منهم يواسي الثاني وكلن منهم لاعبن دورة .. وظل سلمان ينتظر تجي
نورة .. وكانت افكاره تاخذه وتجيبه .. كلها نورة نورة نورة ..
كيف تروح من باله وهي عايشه في وسط ذاته .. شخصيتين جمعهم انسان
سلمان ونورة .. التقى في غير الزمان حسب الظروف والمكان ..
سلمان يهمس بصوت واطي مايسمعه غير نورة .. تقاطعه نورة سلمان لا تنساني
سلمان يقول لـ نورة تكفين نورة انا ما نساك يا نورة ..
انتي بداخلي عايشه كيف انساك ؟؟
نورة تدرين يمكن انا انساك بس ارجوك نورة سامحيني ودمعته في عيونه
تلمع لا هي قادره على خده تنسال ولا هي قادره تختفي من عيونه .. ولحظه صمت
ويقول سلمان لـ نورة ياجعل يومي قبل يومك لجل انا منساك يا نورة !!!


مدري يمكن انا قلت لكم معاهد نفسي ماقرب من كتابه شي معين
لكن اعتقد اني ماقربت الشي الى انا اتهرب منه يمكن كتبت بنوع آخر
او بمدرسة آخرى .. فاعذروني على الاطاله وان شاء الله ماكانت مزعج لكم

مصدر الموضوع : شخصي



بنت نجد       57


لازلت انتظر جديد سلمان ونورة.. أشتقت لهما كثيرا كثيرا..


Re: رد على التعليق :

اهلا بك وبطلتك اختي الكريمه
من زمان ماشفنا لك طله عسى المانع خير
اعتقد ان قصه سلمان ونورة لها تطورات في ذهني كثيره
وهذا الشي يمكن يخلي للقصه جزء ثاني وثالث ورابع
لكن خليني ما اقول اوعدكم بها علشان مايكون الزامي الامر علي .. ولكني بقول ان شاء الله قريباً بيكون فيه جزء ثاني للقصه
لك جل تحياتي واشكرك على طلاتك وتشجيعك


قطرة ماء       74


رائع رائع


Re: رد على التعليق :

الله يحييك أختي قطرة ماء
شاكر لك رائع مرورك ..


شاكيرا       340


رائع مااكتتبته اخي الفاضل تسلم يدك


Re: رد على التعليق :

تسلمين الله يرضى عليك اختي الكريمة ..
شاكر لك مرورك العذب


أنثي المحال       341


أنا لم أحظ بشرف قراة سلمان ونورة الجزء الاول
وشاءت الاقدار ان أمر من هنا وأقرهارائع ذلك الجزء
عندي طلبي لالالا مو طلب هذا أمر وشديد اللهجة بعد
سلمان ونورة الجزء الثالث نبغي نشوفة قريب جدا
تحيتي لشخصك الكريم


Re: رد على التعليق :

غريبه صراحه .. رغم انه في الموقع من زمان ..
وايضا بدات الجزء الثاني بربط للجزء الاول ..
لمن لم يطلع عليه ليستطيع التسلسل مع القصه ..
شاكره لك هذا المرور العطر ..
باذن الله الجزء الثالث شبه جاهز ..
ولكني افكر في مراجعته وتعديل بعض مافيه
مع اطيب تحيه


حكم البشر       1828


الصراحه القصه مافيها اثاره ولا فيها شي جديد ولا افكار جديده نسمع احداثها كثير وقصه غير محمسه


Re: رد على التعليق :

حياك الله .. ترى مهيب قصه الله يحفظك .. هي مجرد سواليف لا اكثر .. ووجهة نظرك نقدرها ونحترمها ..


أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات