مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

الناقد شخص يعرف معالم الطريق، لكنه لايستطيع قيادة السيارة


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 373946
   عدد المقالات المنشورة : 229
   عدد الأقسام المفتوحة :8


 
 

من الذاكرة

4/10/1428

دعوة لقراءة المقال

نسخة لطباعة المقال


فايدة الأخلاق بالتعليم


-

في هلموضوع بذكر لكم موقفين صارت معي بعد الانتهاء من رحله التعليم السابقه بفتره طويله والموقف الاول كان في مستشفى الملك فيصل التخصصي حيث كنت في زيارة لاحد الاقسام للمرضى الا بذاك الطفل الى يصارخ استاااااااااااااااااااااااااااذ استااااااااااااااااااذ ويطب علي ارتعت انا محد يدري اني قد درست العالم تطالع وش السالفه سلمت عليه تبويس مع انه صغير بس رجال صراحه ونشب لي الا تعال اوريك ابوي يبي يشوفك ... ياذا الحاله اذلف عني يرحم امك .. وجلست اسولف معه شوي وابلغته اذا كان محتاج شي يتصل علي وعطيته رقم جوالي .. فحكي لي ان جدته منومه في قسم فهمت وضع الحاله وفضلت السكوت .. تعرفون اهل مكه ادرى بشعابها.

والموقف الثاني كان في مكتبه جرير الى بطريق العليا وتعرفون دايم زحمه
تقول الناس شفقانه على الدفاتر والقلام > يعني كنهم مايقرون ههههه
وانا واقف عند الكاشير الا ذوليك الاخوين الى يصارخون من بعيد يا استاذ فلان يا استاذ فلان ... بغت انحاش من الروعه العالم تطالع بشكل غريب .. والله يابعد هلناس فيها لقافه مهيب في احد .. واحد مسك يدي والثاني طب على الكاشير ثم طب علي الا ابوهم مقبل علينا وانا وجهي يتقلب الوان تعرفون عاد سعوديين ثم يقول وش عنده حاضن ولدي ... يوووه قسم بالله نبلش قضيه اخلاقه على طول ... يوم وصل عندي وهو وجهه واضح انه منصدم ومستغرب يعني بالعربي كذه كانه ناويني .. قلت ياولد بادر بالسلام لا تنجلد .. وضعك مخل شرعاً هههههه المهم سلمت عليه ميسك بالخير طال عمرك وش لونك طيب ان شاء الله ماشاء الله هذولا العيال من خيرت الشباب .. وسويت نفسي مدرس شايب لي خمسين سنه بالتعليم ههههههه وهو مازال مستغرب بس يعني خف شوي مع الكلام قلت له انا كنت مدرسهم قبل سنه يمكن وكانو من افضل طلابي قام واحد من عياله يبه يبه هذا استاذ فلان الى قلنا لك عنه .. يوم طق لي ابتسامه عريضه ورجع يسلم يبوس ياهلا يالله حيه وطار بي اظاهر موصلين له معلومات ميه ميه عني الحمد لله ههههههه ... عاد يومنه طار بي قلت اطيره شوي مدحت عياله ونصحته يهتم فيهم وانهم مبدعين واني اتنبئ لهم بمستقبل باهر اذا لقو الاهتمام ... احسني صرت عقوبه عليهم مدري ليش اتخيل انه صار بنشب لهم نشبه هههههه ..

طبعا المغزى من كل هلقرقه الى قلتها شي بسيط ..
الاول انه شعور حلو انك بعد فتره تلمس نتاج عمل قمت فيه وتفرح به
والشي الثاني وهو الاهم انك كل ماكنت راقي وهذى خاصه بالمعلمين بالذات
كل ماكنت راقي مع طلابك في تعاملك كل ماكان لك تاثير في نفوسهم ومستحيل ينسونك حتى لو طال الزمن .. وفي اي مكان راح يشوفونك فيه راح يعطونك الاحترام اللازم ويجون لك .. وراح يكون لك بصمه وتاثير عليهم في حياتهم ومستقبلهم مستحيل ينسونها...  مهوب زينا الله يخلف اذا شفنا احد من مدرسينا اول قمنا نتصدد عنهم ماغير ينافخون ويجلدون فينا اللهم ياكافي بس .. لا وبعضهم لو تشوفه جلدته بس زين ربي مايطلعهم لنا الحين ههههه

دعواتكم معي لكل مسلم باني ربي يهون عليه ..
تشاو على قوله صديق عزيز

مصدر الموضوع : شخصي



بنت نجد       1481


على قولتك
بعض المدرسين ودك تنحاش لاشفتهم
وبعضهم يحرجك لاشافك
اذكر مدرسة لي كانت خرطي وشرحها شين
شافتني بعدين بعد سنين
قالت كيف كان شرحي زين ؟
قسم بالله احراج
وش ينقال لها ذي ؟
ومن يفعل الخير لايعدم جوازيه
تشاو على قولة صديقك العزيز


Re: رد على التعليق :

ايه والله صادقه ..
قبل رمضان شفت لي واحدبمكان ما ..
والصراحة في هلمكان كنت بموقف قوة وهو ضعف محتاج لخدمة
ويطالع فيني انا عرفته وقلت خله شوي وبروح له ..
ثم جيته وسلمت عليه انت فلان معك فلان من طلابك قديم ..
قالي ايه كني شايفك اني مشبه قلت لا هين عارفني .. تقلب وجهه ..
سالته وش عندك هنا .. وخدمته بحاجته .. رغم انه كان كريه .. لكن خلونا نكون دايم افضل .. عله يتعلم درس ان الدنيا تدور .. احسن للناس تحسن اليك في وقت ستحتاج لهم لا محاله


أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات