مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

لدبلوماسي : رجل يستطيع أن يصمت بعدة لغات


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 375650
   عدد المقالات المنشورة : 229
   عدد الأقسام المفتوحة :8


 
 

من الذاكرة

11/12/1427

دعوة لقراءة المقال

نسخة لطباعة المقال


كل عام وانتم بخير


-

أولاً أهني الجميع والأمه الإسلامية بحلول عيد الأضحي المبارك .. الله يعيده علي الجميع بالخير  يارب ...
صراحه عيد الأضحي له طعم غير ومختلف .. ومع اللحمة يطلع واااو .. لكني للأسف اشوف كثيرين يفتقدون لفرحتهم في هذا العيد .. والناس صارت تتقرف من الذبح والدم والخرفان .. مع انه كان متعه في السابق .. كنا لليله العيد نجلس مرتزين نحتري صلاه العيد بس نبي نحوس مع العالم في ذا الغنمااات الحلوات .. نفتري فيها .. >> اما غنمات حسيت اني نعوم هههههه

ودي اشوف وجيه منسوبي منظمه حقوق الحيوان .. احسهم مطرطعين مننا يالمسلمين ,,, عاد مجرمين عندهم الحين ذابحين كم مليون خروف في وقت واحد ؟؟؟ ههههههه كااااارثه بتنقرض الخرفان ياحراااااااااام هههه

الصراحه انا اشوف الفرحه بوجيه الصغار احسهم مازالو يستمتعون بالعيد
اما الكبار ما شوف الا تذمر .. ويوه وصخنا .. والى يبي يذبحها في المزرعه
والى يبي يوديها المصلخ .. وحاله مساكين بس  ...


عن نفسي توليت عمليه ارهابيه في حق تسعه من الخرفان
وتولى الباقي الاخوان .. طبعا يمكن تستغربون ان العدد كبير .. لكن الله يجزاهم خير عندنا اظاهر مضحين عن سيدنا آدم .. الله يكتب لهم الاجر بس ولا يحرمهم ..

للموضوع متعه  .. وهي تكمن في شي مهم ..
 وهو الى ابي اتكلم عنه في موضوعي هذا ... وهو المعرفه بالشيء .. يعني يفترض من الاهل انهم يعلمون اولادهم على كيفيه اختيار الاضحيه وكيفيه ذبحها وسلخها وتقطيعها .. وايش يؤخذ منها وايش يترك .. وكيف حتى تقسم ...

طبعا مو مهم ان الابناء يمارسون هلشي بشكل دائم .. او مع كل عيد
لكن يفترض فيهم يكون عندهم معرفه بهذا الشي .. احيان نتعلم امور قد ما نرجع نطبق ماتعلمناه في العمر ولا مره .. ولكن يكفي اننا تعلمنا .. يعني لو في يوم احتجنا لمثل هذا الشي نجد نفسنا مجهزين .. وهذا دور الاهل حقيقه .. بدينا نشوف ان كل شي يفتقد في ظل ان الاهل اصبحوا يبون يلبون رغبات ابنائهم ويقومون عنهم بكل شي .. وبكذا نحن نخسر كمجتمع لان الاباء الان هم جيل وسينتهي لا محاله .. ومن سيبقى ؟؟ جيل لا يعرف من الامور شي .. وسيضطر ليتعلم من جديد وهذه مصيبه والله العظيم ...

والآن مع كبر الإنسان رغم أننا لسى شباب .. لكن بالفعل تمر علي أمور كثيره في حياتي .. اشكر الله على والداي انهم علماني شي معين استفدت منه في موقف معين ... لولا الله ثم هم لما تعلمت شي ..

ويدخل هذا الشي ايضا في تكوين شخصيه الابناء اذا نظرنا لها من جانب الثقه بالنفس .. فاذا كان الابن لديه خلفيه بشي معين نجده واثق من نفسه تجاهها ... فمثلاً  لو اخذنا الاضحيه مثال .. لنفرض أن الأب في تلك السنه كان مريضاً وقد اوصى احد ابنائه في الذهاب لشراء الاضاحي عنه .. وش موقف هذا الإبن ؟؟
انا متاكد انه بيتقلب وجهه الف مره وبيجلس يسأل كيف اعرف انها من النوع الطيب ويبدا في اضطراب وحاله لا يعلم بها الا الله .. وهذا غير الخوف انه يجيب شي يقوله ابوه انت بزر ماتعرف تختار ؟؟؟
طيب تعال انت يالاب .. وينك ماعلمته وخذته معاك في السنوات الماضيه ؟؟
وانت يالابن ليش ما طلبت من ابوك في السنوات الماضيه انه يعلمك وهو يختارها .. على اي اساس يتم ذلك ؟؟

بعض الامور نحتاج الى ان نتعلمها في اعمار معينه .. اذا لم تكن .. فلا يمكن لنا ان نتعلمها بالشكل الصحيح ...

إن شاء الله يكون لي موضوع مرتبط بهذا الموضوع عن الصحة النفسيه للانسان ..

وكل عام وانتم بخير

 

مصدر الموضوع : شخصي



أنثي المحال       329


مرحباً من الذاكرة
يعطيك العافيه
طرح جميل .. يثير .. مسأله مهمه .. جدا وقد غفل عنها الأباء وهي عدم تعليم أبناءهم مثل هذى الأشياء
التي تفيدهم سواء في الوقت الحالي أو حتي في مستقبلهم
قد يجهل الاباء أهميتها بإعتبارها أشياء بسيطة ولا داعي لتعليمهادون أن يحسب الأب بأن هناك ظروف تمنعة من أن يقوم هو بذلك ويحتاج من أبنة أن يقوم بها فيجد أن أبنة لا يعلم شيء ويحمل الأبن الخطأ والتقصير برغم أن كلهما يتحمل المسوؤلية سواء من الاب الذي لم يجبر أبنة على التعليم والأبن الذي لم يحاول أن يتعلم 0
ذلك لابداً من كل أب أن يعمل أطفالة وهم صغار ومثل هذة الامور حتي تبقي في ذاكرتهم إلى أن يكبر 0
بس أنا بصراحة أقراء ومصدومة تسعة ذبحتها ماشاء الله عليك
يعني متعود على الذبح الله يستر بس
دمت بخير


Re: رد على التعليق :

الله يعافيك .. وكل عام وانتي بخير اختي ..
هبي عيد على قولتهم ..
واتمنى انه بالفعل يهتم الاهل بالابناء ..
وضرباً بها بالمثال .. زي الرجال لما يتريقون على بنت بعد الزواج انها ماتعرف تطبخ شي ولا تنظف شي ..
نفس الفكره للرجل مع اختلاف الاحتياجات .. لا يعرف يصلح شي ولا يعرف يشتري فاكهه ولا لحم ولا يعرف الا ينام ويقوم يروح عمله ..
مصيبه طبعاً
لك اطيب تحيه


بدر       332


عن نفسي توليت عمليه ارهابيه في حق تسعه من الخرفان
اكيد تعبت تسعة مرة وحده خخخخخخخ
<< صاحبك سفاح هالسنة
8
في الحقيقة اجد في هذا العيد متعة لاتوصف بالذبح والصلخ .. إلخ
للاسف الكثير من الاباء يغفلون عن هذه الامور والابناء لايعلمون ماهي الاضاحي او كيفية اختيارها او ربما يسمعون فقط بعيد الاضحى ويعرفون جيدا ( عيد رأس السنة )
والله المستعان


Re: رد على التعليق :

هلا بيك بدر .. الله يحييك وكل عام وانتا طيب
صراحه اجرام وياليتني نايم ..
طبعا فيه خروفين تاجلو لليوم الثاني ..
لانه خلاص محد رايق لهم يذبحهم .. فخذو برهه ..
زي عيد البندر .. وبرزاي اجلوهم شوي ..
الله يعين يابن الحلال .. الناس ماعاد تدري وش تعلم عيالها ..


بنت نجد       333


خلهم يفلحون في الدراسة ويمدي
ذا الجيل غدا الله ينعم به بس
اللي طلعت به انك مجرم وخطير بعد
تسعة ؟ ماشاء الله تبارك الله
لو اني منك خذيت عن كل راس مبلغ وقدره
خبرك حضرمية
الله يسعدك هالعيد وكل عيد .. وكل امة محمد


Re: رد على التعليق :

ايه صادقه .. عسى يفلحون بشي بس ..
ماش هلجيل مهوب تكانه ... اجل الله ينعم به ؟؟
سؤال بس ممكن ؟؟
انتي من عام الف وحطبه مولوده ؟؟
من وين لك ذا المصطلحات قديمه .. محدن يفهم لها الحين ..
لاتخربين النت لو سمحتي بها ههههه
لاتقولون مجرم وخطير .. بلاكم ماتدرون اول مره ذبحت وش صار لي ..
عزرت الضحيه الله يرحم الحال بس .. يقالك بيعلموني ..
مادريت الا طراق على علباي ..
والا انا منبطح جنب الضحيه بحضنها .. قلت بس الوالد بيتهور ويضحي بي .. ههههههه
ربكم ستر بس ..
الله يسعد ايامك وكل عام وانتي بخير ..
دايم طلتك لها طعم ثاني ..


أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات