مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

إنك تبلغ مرتبة النمو الكامل حين تضحك ساخراً من نفسك


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 375652
   عدد المقالات المنشورة : 229
   عدد الأقسام المفتوحة :8


 
 

من الذاكرة

5/11/1427

دعوة لقراءة المقال

نسخة لطباعة المقال


من اين تولدت ثقافه الشك ؟


-

قبل كم يوم كنت اتكلم مع احد الاخوات في هذا الموضوع وربما اني طرحت
رايي عليها وفاجاتني بانها جزء من هذا المجتمع .. وحبيت اطرح لكم الموضوع
لنعرف ايضا رايكم فيه ...
انا اسمي ثقافه مجتمعنا ثقافه الشك .. هل تتفقون معي ؟؟
الى يتفق معي الى هنا يتوقف لاننا متفقين على ذلك .. اما المعترض على ذلك
ينطلق معي حتى النهايه ...
ارى هذه الثقافه في جميع طبقات المجتمع وطبعا الامر لايعمم ولكنه اذا زاد عن النصف
عممته على الكل ولكن هذا لايعني عدم وجود اسر راقيه في تعاملاتها وثقافتها ....
سوف اقسم هذا الشك الى قسمين
اولا شك تجاه الذكور
وثانيا شك تجاه الاناث
طبعا تقل نسبته عن الذكور وفي ازدياد عن النساء ..
ندخل في الموضوع ... بامثله .. وخلونا صرحين بعيدين عن المثاليه
(مثال 1)
ولد متهندم ومتعطر ومتشيك على قولتهم وجاي يطلع وقابل اهله في الصاله!!
- بعض الامور المتوقعه :
1- راح ينسال وين رايح ان شاء الله ؟
2- وش عندك متكشخ ؟
3- شكل عندك بلا ؟
طبعا نوعيه الاسئله هذى اذا كان هلولد له شخصيه في البيت
واما اذا كان من الى مالهم كلمه ولا راي تتغير الى :
1- ووين ارجع ارجع وبلا خربطه انطق في غرفتك
--------------------
(مثال 2)
واحد جاي لعزيمة وعيونه حمر !! يمكن تعبان او فيه النوم
بس طبعا وش التساؤلات المخفيه بين الحضور ؟
1- شكله محشش
2- شكله راعي بلاوي
3- يمكن سكران .. وفاصله .. تعال نسلم عليه نشمه > علشان يتاكدون ؟!
4- شكله راعي سهر > ليس ماتقول شكله مسكين تعبان فيه النوم ؟! (دايم البحث عن الجانب السيئ)
5- شف شف يامحمد تشوف الى بالزاويه ؟ شكله سفله شف وجهه وعيونه حمر ؟!!!
---------------------
(مثال3)
بنت تكلم في التلفون وقت طويل !!! > مصيبه طبعاً
- المتوقع من المحيطين ايش ؟ نشوف بعض الاشياء مع بعض
1- الام : من تكلمين جعلك .....
2- الاخو: يرجف الباب وعيونه مبققه ويسحب التلفون من الاخت ويقول الو الو
وطبعا وفي الغالب في مثل هذا الموقف الى على الخط بتسكت من علامات التعجب ..
الاخو بيسكر الخط وبيلعن خامس اخته على ذنب لم تقوم به اساساً >> لمجرد الشك
3- اذا كانت البنت كبيره وشخصيتها قويه شوي الاخو يروح للاب ابوي شف بنتك ( نورة)
تراها لها كم يوم تشغل التلفون اخر الليل وانت تعرف من يكلم آخر الليل وتراني ساكت محترمك .. يا تتفاهم معاها يا اتفاهم انا > طبعا نوع من التحريش بطريقه ملتويه..
4- الكلام كثير المتوقع في هذى النقطه ومافيه داعي اكثر حوله .. انتم تعرفونه
-----------------
(مثال4)
بنت في الشارع لابسه وكاشخه حتى العبايه تحس انها شي ... وطاقه
اي من الانواع الى موجوده نقاب برقع لقمه كاشفه الى هو .. الزبده انها متكشخه
وراكبه جنب اخوها واخوها طلع من الاخوان الى يحبون النظافه والاهتمام بالمظهر ..
كل من مر من جنبهم بتلقاه يقط وجه ويقول في نفسه امممممممم شكله (مديت المعلون)
طبعا كلمه مديت عند الشباب منتشره والمقصود منها انه مطلع صاحبته وبالانجليزي يتسمى (ديت) اي موعد وعلى هذا الاساس انتشرت الكلمه .. المهم في الموضوع انها
مع اخوها ومع هذا ماتسلم من الكلام وثقافه الشك حقتنا ...
-------------------
(مثال 5)
بنت عاديه او خل نقول من بعض الاسر المتفتحه او دارسة برا ربما .. وفي السيارة
وجالسه تدخن ... اول مايشوفونها الشباب او الشياب وش يقولون ؟؟؟؟؟؟؟؟
الشباب بالتاكيد هي عبارة معينه اما شكلها داااااااااااااااشره او راعيه سهرات فلوس؟!
والشياب بيقولون معلونه سمرمديه وكلماتهم الى مانخلص منها ......... وتلقى نص
الى فكرو بهذا الشي مدخنين ؟!!! عجيب فعلاً
-------------------
(مثال 6)
شخص ماتعرفه وجاء وقدم لك خدمة .. لوجه الله .. طبعا بحكم ثقافه الشك
بتبدا الافكار تدور في راسك امممممممممم ليش سواء كذا ؟ شكله يعرفني ؟
او شكله يبي مني شي والا راسم على شي ؟؟؟ ماخدمنى لله اكيد فيه شي
او فيه احد يعرفه يعرفني .. وتلقاه عصر ام مخه في اشياء تافهه
-------------------
(مثال 7)
عائلة متعطله في الطريق .. طبعا بحكم النخوه والفزعه توقف تبي تفزع لهم
او تساعدهم .. اول ما توقف يصارخون وش تبي نعم خيييييييييير ؟
تقولهم اي خدمة افزع لكم بشي محتاجين شي ؟؟؟؟؟؟
يردون عليك والرعب يملا عيونهم لااااااا انقلع ياقليل الادب ؟!!!!!
يمكن تقولهم خذو السيارة حقتي مع السواق حقكم خلوه يوصلكم ويرجع
علشان ماتوقفون في الشارع كذا يتفرج الجاي والى رايح وانا بصلح الكفر مثلاً
لا انقلع ترى بنتصل على الشرطه ان مارحت ؟؟؟؟؟؟!!!!!!
وكل هذا لان ثقافه الشك بان هذا ما وقف الا ناوي هلعائله !!!!
-------------------
(مثال 8)
الولد في البيت في سن المراهقه وبدا يطيح في شغله غريبه الا وهي انه صار يدخل
غرفته ويقفلها كثير .... اممممممممممم تبدا علامات التعجب والتحقيق ليش تقفلها وش
عندك اعترف احسن لك .. هذا اذا ما تعلق في بعض العوائل ... واكيد ماقفلها الا عنده
بلا موزيه.
--------------------
(مثال 9)
شاب راعي افلام يحب الاكشن والرومانتك .. الخ
كل يوم يروح يجيب افلام يسهر عليها .. وكل ما قابله ابوه والا امه
عبس بوجهه وقاله وش الى معك ؟؟
يرد الشاب افلام ابوي بسهر عليها
طبعا الابو يرد بصوت عالي الحد افلام وش ؟؟؟
وانت مالك شغل الا مطالع ذا الافلام الخليعه ؟!!
اوف صارت خليعه مره وحده ؟!!!!
-------------------
(مثال10)
الحب من الله زي مانعرف كلنا وماهو من الضروري انك اذا تحب الشخص
انه لك معه غرض جنسي .. لان الحب العاطفي مختلف تماما عن بقيه الانواع
فمن الممكن ان البنت يكون عندها صديقه تحبها وتموت فيها .. او بمثل مانحرف
الشي نقول عزيزه او غاليه عليها .. كذا يعني يقبلها المجتمع بس لو تقول تحبها
قالو اوووووه شكلها (ليزبين) يعني شاذه جنسياً (اوه ماي قااااد) يا اللهي مهو
نفس المعنى للكلمتين لكن الفهم مختلف ... وممكن بنفس الموقف احد افراد العائله
يستمع الى البنت تقول على التلفون لصديقتها احبك والله يافلانه انتي الى مالي في
هذى الدنيا غيرك ... طبعا مايمديها تكمل الا هم رافعينها فوق ومنزلينها تحت من
الفرش والتكفيخ .. منهو الى تحبينه وكم رقمه ووين عرفتيه .. وهي تقولهم ياناس
صديقتي وربي صديقتي ... وتتكفخ اكثر كنوع من انواع التعذيب للاعتراف ...
وممكن يزيد على الموقف انه لو سكت الى سمعهم من افراد العائلة من بكره
من الساعه ست ونص الصبح تلقاه بسوق الاتصالات ومتصل على العمل وقايلهم
عمي توفى وماقدر اجي اليوم او بتاخر عن العمل شوي .. ومن محل في محل يدور
احدث وسائل التقنيه والمراقبه الحديثه ويجيب العامل .. والعامل يقوله بابا انا فيه مشغول
اليوم وهو يقوله لاااااا وش مشغول انا ادفع لك زياده .. ولو تبي حق اليوم كله انا ضروري يبغى ركب هذا ..( الله واكبر)
ويبدا يالتركيب وبعدها بتسجيل المكالمات وبعدها في اخر الليل اذا نام البيت
بدا يتسمع محادثات اليوم الى قبله .. اول باول ..
وطبعا في هذا المثال اكثر من نقطه كلها شك في شك ..
كذا انا اكتفي بهذى الامثله .. وماحبيت اتكلم نظري في ا لموضوع لان البعض
بكل تاكيد بيطلع لك ويخالفك وبيدعي المثاليه .. لكن مع الامثله ما اتوقع ان احد
يقدر ينكر وجودها وبكثره في مجتمعنا ... صحيح ان فيه العكس وانا ذكرت هذا
في المقدمه ولكنهم قله للاسف قله ...
المهم عندي في الموضوع .. لماذا ثقافه الشك هذه ؟
هل اجد جواب لدي احدكم ؟؟؟؟؟؟؟؟
هل تعتقدون ان احد من هؤلاء فكر في يوم من الايام بان شكه
يعني انه هو على خطا؟ فاذا كنت تشك في اشخاص انت قمت بتربيتهم
فيعني انك لست واثق مما قدمته لهم خلال تربيتك لهم .. فهم ليسوا محل ثقه
وكل ما تعلموه منك هو الامور الخاطئه التي تجعلنا نشك بهم ...
اتمنى ان نجد جسور للثقه في مجتمعنا .. وان نثق في بناتنا وشبابنا
وان نجعل الاساس هو الخير وان حدث الخطا نعتبره شاذ .. والا فنحن
نساعد هؤلاء من الجنسين اذا كان كل منهم (صايع) ماااااهما يقولون عني صايع الحين
وانا ماسويت شي خليني اصيع اجل واوسع صدري الكلام فيني فغيني .. هذا اتوقع مافي
عقول البعض منهم ..
اسف على الاطاله .. لكم مني اطيب تحيه
واعذروني على التفكير والخربطه بصوت عالي
اخوكم من الذاكرة

مصدر الموضوع : شخصي



أنثي المحال       277


يسعدني أن أكون أول من يرد على
موضوعك الرائع لقد أتت على الوتر الحساس
جميله الأمثلة التي ذكرتها في موضوعك
هي رواسب ذهنية أنتقلت من جيل إلى الأخر
وكونت لنا مسمي ثقافة وأصبحنا نجعلها واللأسف الشديد
هي المرجع والمحكم الأساسي لنا
متناسين بأننا مسلمين ولابدا أن يكون الأسلام هو مرجعنا
هذة الثقافة نتج عنها ضحايا من أفراد المجتمع لا حصر لهم
وبتلك الثقافة أصبحنا مسلمين فقط بالأسم
ولكن أحب أن أسالك أخي الفاضل بخصوص الشواذ حينما تجد فتاة تحمل صفات الشواذ المعروفة وجعلت العلاقة علاقة رسمية فقط هل معني ذلك بأننا مصابون بداءثقافة الشك؟وبعد فترة أكتشفت بانها فعلاً مصابة بهذا المرض ؟
تحيتي لك


Re: رد على التعليق :

فعلاً اختي انثى .. هذا مايحدث دائماً
اتمنى ان تزول هذه المصيبه


.ramooss

أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات