مدونة من الذاكرة © From-Memory

مدونة من الذاكرة © From-Memory
     عُـلبة ألــوان البطاقات  الرئيسية


  :: الصفحة الأولى ::
  
  عُـلبة ألــوان
  
  شمعـه مضيئــه
  
  كشكـول أيامي
  
  أحاديث نفـسـ
  
  لوحات ناطقة
  
  صـورة مقـلوبـة
  
  يوميات مدرس
  
  تـقـنـي
  
  البطاقات

 

::: بحث :::



::: حكمة :::

مامن عظمة إلا وبها مسحة من الجنون


::: مواقع  :::

 

من الذكرة


::: راسلنا :::

الاسم :

البريد الإلكتروني :

موضوع الرسالة :

نص الرسالة :


::: إحصائية المدونة :::

 

  عدد الزيارات الكلية : 369602
   عدد المقالات المنشورة : 229
   عدد الأقسام المفتوحة :8


 
 

من الذاكرة

13/4/1427

دعوة لقراءة المقال

نسخة لطباعة المقال


سلمان و نورة (2)


لقراءة الجزء الأول : http://www.from-memory.com/articles.php?id=73


هي ايام .. واختفت نورة من حياة سلمان ..

ما يدري ليه .. وعلشان ؟

جلس سلمان مع نفسه مره ومرتين وثلاث

 وطول الوقت يفكر مسكين سلمان

 ما يقدر بعد ما اختفت نورة ينام ..

طول وقته يفكر .. ويكلم نفسه ..

عسى ما اكون اخطيت في حق نورة ؟

 انا ضايقتها اكيد الا انا ضايقتك ..

ويكلم نفسه يقول انا اعرفك انتي الى زعلتي نورة ..

يمر الوقت  وهو يفكر

 وباين على وجهه علامات الحزن ..

 اكيد هو ندمان .. على فعلته مع نورة ..

 لكن نسى وش قال

ونسى وش صار في آخر مرة شاف فيها نورة ..

يحاول يتذكر وده يلقى سبب يطلع فيه هو خسران .. 

وتنتصر نورة .. مسكين سلمان حب نورة ..

كل يوم ينتظرها ما تجي .. كل وقته يفكر ..

يارب نورة ما ابي كثير يكفيني دقايق معك ..

لا ابي لحظه .. اشوفك بس .. وده يتطمن عليها ..

كان في غيابها حيل حيل تعبان ..

وفي يوم كان ينتظر فيه سلمان نورة

في نفس المكان ونفس الزمان ..

فجاه اقبلت نورة ..

من بعيد اقبلت نورة على سلمان .. 

سلمان معاد يدري من الفرحه وش يسوي ..

غير انه من مكانه قام ..

 قام يصارخ جت نورة .. جت نورة ..

 واقبلت نورة عليه .. بس ملامحها  متغيره ..

ماهي نورة الى عرفها وجهها شاحب

علامات الحزن عليه مرتسمه ..

اختفت الفرحه من عيون سلمان ..

وراح يركض يم نورة ..

وصلها وهو يلهث ..

 يلهث من التعب ويمسك يديها ويهزها ..

نورة علامك .. نورة ردي علي ..

ونورة ساكته .. باين عليها علامات انهاك ..

فكرها تعبان ..  جسمها تعبان ..

كل شي فيها تعب ..

من كثر التفكير في سلمان ..

حاولت تقاوم حبها لسلمان ..

لكنها ما قدرت ..

استسلمت وجت يم سلمان ..

خايفه ..

اكيد هي خايفه لا تنصدم في يوم من حب سلمان ..

متردده .. خايفه ينظر لها سلمان نظرة ما تحبها ..

خايفة من نظرة كلها حقران ..

ودها تحكي لكن ما قدرت .. ظلت ساكته ..

 لا هي حكت ولا تدري وش يبادلها  سلمان ..

طالعو بعيونهم بعض ..

وامتلت عينهم من الدمع .. ساكتين ..

ما فيهم احدٍ حكى .. او تكلم ..

بكت نورة .. وبكاء معاها سلمان ..

متفاهمين حتى بالنظر ..

 لكن محد فيهم حكاء .. او تكلم ..

 كلهم خايفين .. نفس المشاعر بينهم ..

حبو بعض .. ويمنعهم خوفهم ....

من الحكي لا يطلع احساسهم غلطان ..

ظلو ساكتين .. ساعه واكثر .. مر الوقت ..

وقامت نورة .. ماحكت ..

كل الى قالته مع السلامة سلمان ..

وراحت في طريقها تمشي ..

خطواتها ماتشيلها ..

في صدرها حمل ثقيل ودها تزيله ..

هي جت ودها تقولها لكن خانها الكلام ..

 وراح كل منهم ساكت ما تكلم ..

كل الى انقل .. مع السلامة .. مع السلامة ..

مسكين سلمان مسكينه نورة ..

 حبو بعض .. ماودهم احد يسالهم ..

متي .. وليش ..

كل الى يعرفونه انهم حبو بعض ..

 وصار الخيال في عيونهم حقيقه ..

 حبو بعض .. لكن خانهم الحكي خانهم الكلام ..

وفي اليوم الثاني ..

جاء سلمان مسرع في نفس الوقت

 وده ينتظر نورة يمكن تجي ..

 لكن اليوم غير وصل ..

ولقى نورة سابقته ..

يحبها وتحبه ..

محد فيهم قدر يصبر دقيقه ..

كلهم كانوا بنفس المكان ..

في اليوم الثاني .. في نفس الزمان ..

كل واحد فيهم يبي ينتظر الثاني ..

محد فيهم فكر ينام ..

رغم التعب ..

رغم كل مافيهم ..

كان كلهم همهم ..

 يلقون بعض ..

اليوم بدا سلمان .. نورة ..

ودي اقول انا شي .. بس ارجوك

لا تزعلين مني .. لو ماعجبك الكلام ..

نورة كلها لهفه ودها تسمع فيها خوف ..

ودها تسمع كلام سلمان ..

 يمكن يخفف عليها ..

قالت له سلمان قول انا ما ازعل منك ..

وش عندك يله انا ترى جالسه وابي اسمعك ..

سلمان بصوت واطي نورة ..

انا احبك يا نورة بس تكفين لاتزعلين ..

وسكت سلمان .. ومعه نورة .. 

ينتظرها ترد ..

وهي ساكته لا حكت لا زعلت مافيه شي منها بان ..

سلمان يرتعش خوف ..

خاف بكلامه  يخسر نورة ..

ونورة ساكته ماحكت ..

وسلمان ينتظر على اعصابه ..

 وده تقول أي شي ..

يبي يعرف رده فعل نورة ..

وهي ساكته ماحكت ..

 سالها سلمان .. نورة ؟

انتي زعلتي ؟

 ردت عليه بالعكس سلمان ..

ان من الفرحه ضاع مني الكلام ..

جن جنون سلمان .. صادقه نورة ؟؟؟

انتي صادقه ؟؟ مازعلتي ..

صحيح انتي فرحانه ؟؟

 نورة تبتسم ايه سلمان ..

انا بعد .. وسكتت ..

فهم سلمان ..

مسكين سلمان ونورة

مشاعرهم متبادله احاسيسهم متشابهم ..

حبو بعض في وقت غير الوقت وغير الزمان ..

صارو يتقابلون بنفس المكان

محد فيهم يقدر يتاخر .. او ينام ..

كلهم لفه ودهم وقتهم في اول يومهم يمشي بسرعه

 ويوقف في نفس الزمان ..

 في نفس المكان .. لا شافو بعضهم ..

كل يوم يجلس سلمان مع نورة ..

ونورة معا سلمان ..
يتسامرون بالحكي يتمازحون ..
حتى في الضحك مع بعضهم
وفي الحزن مع بعضهم ..
تشوفهم روحين داخل انسان ..
ومرت الايام ومشاعره في زياده
محد منهم مل من الثاني ..
ولا حتى احد قدر يزعل او يقول ندمان ..
الا في يوم بدا يجي في مكانهم مجموعه ..
وفي يوم كان سلمان ما بعد جاء ..
وشافت المجموعه نورة ..
ومن بعدها وهم كل يوم يجون
في نفس المكان وبدو يخططون على نورة ..
يرسمون عليها ويتميلحون ..
سلمان يشوف لكن ما يبي يزعل نورة ..
هو كله ثقه فيها ..
عمره ما فكر انها يمكن تخونه ..
لكن الغيره في داخله تذبحه على نورة ..
يحبها ويفتديها بروحه ..
ونورة مثله .. فيها من الغيره اجنان ..
متشابهين حتى في مشاعرهم متشابهين ..
كان سلمان يخاف على نورة ..
ونورة تخاف على سلمان ..
لكن المشكله كانوا في وقت ما هو وقتهم ..
كل الى تمنوه انهم التقو في وقت غير الوقت
وفي مكان غير المكان .....

 

مصدر الموضوع : شخصي



لين       131


أخوي من الذاكرة
يالك من شرير
زوجهم حط خطوبة حط زواج حتى تموت الظنون والشكوك إلي في داخلهم
حتى يفرحون ويضحكون
ام انك ترى أن الحب ليس رواية شرقية
بختامها يتزوج الأبطال
حتى الحب يموت ويهلك ولا تأتي الظنون إلا إذا كان
هناك مايدعمها ويؤيدها ومتى زادت عن حدها أذنت
بفراق لا لقاء بعده ابدا
وتحول الحب الي بينهم بدلا من ضحكة وفرح الى هم وقلق
والثقة الى شك
ويستحيل الحب الى عذاب
وعندها الأفضل انهم يبعدوا للأبد عن بعضهم
هيا على قولة العرب اغمس الريشة في المحبرة وانثر
اللوان الحب الحمراء الدافئة على سلمان ونورة وازرع الأرض خضراء تحتهم بالخير الذي يسري في نفوسهم
واترك لفراشات الصدق والثقة مكانا ترفرف فيه حولهم
واخيرا البسهم تاج اللقاء الأبدي
واسمح لهم ان ينتصروا على التقاليد والحواجز
لا عليك أحسنت الاسلوب في رأيي ليس ركيكا بل جميل
والقصة تدور بشخصيات قليلة وبمشاعر بين شخصين وهذا
شيء مميز


Re: رد على التعليق :

هلا بك اختي لين ..
حرام عليك منيب شرير ..
بس اصبري ليش نزوجهم على طول ..
خليها في الجزء الاخير .. باقي عليهم
ودي ازوجهم .. لو بيدي كان زوجتهم
بس يله خليني اعذبهم شوي في القصه ..
بعدين افكر يمكن ارحمهم وازوجهم
لك جل تحياتي


أنثي المحااااااااال       128


قرات سلمان ونورة الجزء الاول وأنتظرت الجزء الثاني
وسأنتظر منك الثالث والرابع 0000000الخ
أشعر دائماً أن سلمان ونورة هم ضحايا لعادات التخلف
لا علم ماالذي يصيبني بعد قرات قصة سلمان ونورة
قرات القصة أكثر من مرة ولكن لا استطيع مجارة قلملك
فهنيئاً لك بتلك المحبرة وبذلك النزف
سأنتظر منك الجزء الثالث


Re: رد على التعليق :


مرحبا بك اختي انثى المحال ..
حقيقه لا اعلم ان كان هناك اجزاء اخرى ..
ولكن هذا أخر ما وعدت به .. ربما يكون هناك
المزيد مع نورة وسلمان ..
واعذروني لركاكه الاسلوب ..
فلم اعتد على الكتابه
من هذا النوع .. الا نادراً


لك جل تحياتي ..
لا عدمنا حضورك


بنت نجد       133


رجعت اشوف جزء ثاني من سلمان ونورة ..
لقيت انهم بدل مايخفون زادوا ..
قل لنورة ترى مالك غير سلمان ..
قلبه يعادل قلوب البشر ..
قل لسلمان لو حول نورة كثير ..
عيونها ماتشوف غيره ..
الله على قصتك من كثر كلامي طار مدري وينه ؟؟
اجل ماودك تزوجهم ؟؟ على قولة لين ؟؟
الف تحية لك يا سيدي ..


Re: رد على التعليق :

هلا فيك اختي بنت نجد ..
تسلمين على مرورك الله يعافيك ..
وصراحه ما اظن ان لهم غنى عن بعض على الاقل في ذهني
اما عاد ازوجه .. فهي امنيه عندهم اكيد
بس متى بحققها لهم في كتاباتي .. ما ادري
لك جل تحياتي


نورة       296


روعه


Re: رد على التعليق :

شكرا على مرورك .


بنت نجد       304


لازلت انتظر الجزء الثالث نشبة


Re: رد على التعليق :

مرحبا ببنت نجد .. يا الله انك تحييها
الجزء الثالث موجود .. لكن قريبا اطرحه احتاج اراجع شغلات فيه ..
احلى نشبه


لون المطر       308


واخيرا رجع الجزء الثاني من المسلسل المكسيكي بعدين اعلق
<<<<< تعمل نسخ ولصق ماهيب فاضيه بزنس وامن
تحياتي


Re: رد على التعليق :

ههههههههههه الله يرجك شيطانك
جد جلست اضحك من قلب .. ماش ر جه ..
يبيلك كوي هين ..
ايه لا ابشرك ذا الجزء نازل منذو مبطي
فيه جزء ثالث ا لحين بينزل ..
الحقي بس الكميه محدوده ..


لون المطر       309


اجل انا يبيلي كوي ارب مهوب على العلبا بس
الحمد لله على رجعت سلمان ونورة لبى قلوبهم والله اني صرت احبهم...
ياخوي ما بغيت تكمل لنا قصتهم بس يخوفي تخلي
نهايتهم مفتوحه على القارئ ان يخمن وش بيصير >>>
تراك بتنجلد
شوف دام ما فيه زواج وهو الشئ اللي انا عارفته
ومتاكده منه خلهم يعيشون حبهم وفرحهم لو في
خيالهم ياخي خلهم يحلمون هو الحلم حرام يخواتي
صراحه الرد شي مالك كلام
وبعدين يومك تقول الحقي الكميه محدوده ترا نسختي
محفوظه مهوب على كيفك خخخخخخخخخ
ادري بنجلد عليها!!!!
تحياتي والله لا يحرم نوره من سلمان


Re: رد على التعليق :

الا بلا على العلبا اكيد .. مااااش علم
ههههههه ..
ايه غصبن عليك تحبينهم هماني انا الى كاتبهم ؟>> حرش
بعدين وين مفتوحه نهايتهم ؟؟ وييين معصي محارمنا ذولي ما نكشفهم لاحد هههههههه ..
ادري اني بنجلد لكن الشكوى لله ..
بعدين من قالك مافيه زواج ؟؟ لالا ناوي ازوجهم باذن الله .. ياحبيلهم بس هههههه وجع يوجع العدو
لا هين هلمره الرد شي .. ومتاكد انك بتنجلدين
هذا والله اعلم طبعاً ..
ونسختك محجوزه مافيها كلام ذى
ايييييييييييييييييييه اللهم آمين يارب لا تحرمهم بس
تراهم وش حليلهم والله ... ولا يحرمهم منك طبعاً
@----- ورده


أميرة       378


القصة مرة رووووعة


Re: رد على التعليق :

شاكر لك .. حضورك الروعه


حنونه       384


ويا حبي لهم سلمان ونوره
احس ان حبهم بيبقى اكثر واكثر
لان قلوبهم نبضها واحد
يا حليلك يوم تتكلم عن سلمان ونوره
ويا حبي لهم لانهم جزء منك
تسلم افكارك ويسلم سلمان وتفضل نوره بقلبه تنبض لجل يحس بالحياه


Re: رد على التعليق :

انتي تقولين ياحبي لهم ..
انا اجل شقول عنهم ؟؟
اموت عليهم .. اعيش معاهم جو بشكل خيالي
على فكره الجزء الثالث خالص .. بس لسى مانزلته
تسلمين على حضورك ياغاليه


هجران       386


قرات الجزء الأول والثاني وكل وحدة أحلى من الثانية


Re: رد على التعليق :

حضورك احلى .. الله يسعدك


حنونه       396


خلاص لا تحرمنا من الجزء الثالث
الحلو فيهم انهم يخلوك تحس بان في شي نقي وجميل رغم الحزن والمعاناة الي بينهم
ننتظرك يالغالي


Re: رد على التعليق :

باذن الله بينزل قريب ..
الله يحييك حنونه


أضف تعليقك على الموضوع


الأسم
البريد


جميع الحقوق محفوظة© مــن الـــذاكرهـ  - خلاصة المقالات